నాని గ్యాంగ్ ని చూశారా ?

నేచురల్ స్టార్ నాని, విక్రమ్ కుమార్ కాంబినేష‌న్‌లో రూపొందుతోన్న చిత్రం `గ్యాంగ్‌లీడ‌ర్‌`. ఈ సినిమా దాదాపు చిత్రీక‌ర‌ణ‌ను పూర్తి చేసుకుంది. మ‌రోవైపు నిర్మాణాంత‌ర కార్య‌క్ర‌మాలు కూడా శ‌ర‌వేగంగా జ‌రుగుతున్నాయి. ఇటీవలే సినిమా ప్రీ లుక్ వదిలారు. నాని సహా ఐదుగురు చేతులున్న ఫొటోను పంచుకున్నారు. ఇప్పుడు గ్యాంగ్ రివీల్ అయ్యింది. ఇందులో నానితోపాటు నలుగురు మహిళలు, ఓ పాప కనిపించారు. వారంతా మేడపై నిల్చుని బైనాక్యులర్‌ పట్టుకుని దేన్నో చూస్తున్నారు. ‘బామ్మ, వరలక్ష్మి, ప్రియ, స్వాతి, చిన్ను..’ అని నాని వారి పాత్రలను ట్విటర్‌ ద్వారా పరిచయం చేశారు. ఆసక్తికరంగా ఉన్న ఈ ఫస్ట్‌లుక్‌ అభిమానుల్ని ఆకట్టుకుంది. ఆగస్టు 30న సినిమాను ప్రేక్షకుల ముందుకు తీసుకురాబోతున్నారు.

May 9, 2019

ప్రియాంక గాంధీ కాంగ్రెస్ ని కాపాడుతుందా ?

సార్వత్రిక ఎన్నికల్లో ఘోర పరాజయం అనంతరం రాష్ట్రాల వారీగా పార్టీ ప్రక్షాళనపై కాంగ్రెస్‌ దృష్టిసారించింది . ఈక్రమంలో రాష్ట్రాల వారీగా ప్రక్షాళన చేపట్టాలని నిర్ణయించుకుంది. ఎన్నికల్లో విఫలమైన తర్వాత ఆయా రాష్ట్రాల చీఫ్‌లు రాజీనామాల బాట పట్టిన విషయం తెలిసిందే. ఇందులో భాగంగా యూపీ కాంగ్రెస్ చీఫ్‌ రాజ్‌ బబ్బర్‌ కూడా తన పదవికి రాజీనామా చేశారు. దీంతో ఈ ఏడాది రాజకీయ అరంగేట్రం చేసిన ప్రియాంక గాంధీకి ఉత్తర్‌ ప్రదేశ్‌ బాధ్యతలు అప్పగించారు. ఇప్పటివరకూ తూర్పు యూపీ బాధ్యతలు చేపట్టిన ప్రియాంక.. ఇక రాష్ట్రం మొత్తం నాయకత్వం వహించనున్నారు. త్వరలోనే ఉత్తర్‌ప్రదేశ్‌లో 12 అసెంబ్లీ స్థానాలకు ఉప ఎన్నికలు జరగనున్నాయి. అధికార భాజపా వీటిపై ఇప్పటికే దృష్టి సారించింది. దీంతో వ్యూహాత్మకంగానే కాంగ్రెస్‌.. ప్రియాంకను రంగంలోకి దించినట్లు తెలుస్తోంది.

May 9, 2019
Mukesh Goud Health

ముఖేష్‌ గౌడ్‌ ఆరోగ్యం విషమం

తెలంగాణ కాంగ్రెస్ నేత, మాజీ మంత్రి ముఖేష్ గౌడ్ ఆరోగ్య పరిస్థితి మరింత విషమంగా మారింది. గత కొద్దిరోజులుగా తను కాన్సర్ వ్యాధితో బాధ పడుతున్నాడు. హైదరాబాద్ లోని అపోలో ఆసుపత్రి లో చికిత్స పొందుతున్నారు. ఆరోగ్యం విషమంగా మారటం తో అతని శరీరం సహకరించకపోవటం వలన వైద్యులు చికిత్సను నిలిపివేశారు. గత ఎన్నికల్లో కాంగ్రెస్ పార్టీ నుండి గోషామహల్ నుంచి పోటీ చేసిన ముఖేష్ గౌడ్ పరాజయం పాలయ్యారు. అప్పటినుంచి రాజకీయాలకు దూరంగా ఉంటున్నాడు. ఎన్నికల సమయంలో అంబులెన్స్‌లో వచ్చి తన ఓటు హక్కును వినియోగించుకున్నాడు. వైస్సార్ ప్రభుత్వం లో మంత్రిగా చేసారు. బాగా దృడంగా వుండే ముకేశ్ ను అభిమానులు ఈ పరిస్థితుల్లో చూసి షాక్ కి గురయ్యి ఆవేదన చెందుతున్నారు. త్వరగా కోలుకోవాలని అభిమానులు ప్రార్థిస్తున్నారు.

May 9, 2019
Akhil Angry On His Fourth Movie

హీరోయిన్ లేకుండా మొదలుపెట్టిన అఖిల్

బొమ్మరిల్లు భాస్కర్-అక్కినేని అఖిల్ కాంబినేషన్ లో సెట్స్ మీదకి వెళ్ళింది. గీతాసంస్థ నిర్మించే సినిమా ఇన్నాళ్లుగా ప్రీ ప్రొడక్షన్ వర్క్ లోనే వుండిపోయింది. ఇప్పుడు షూట్ స్టార్ట్ అయింది. ఐతే ఈ సినిమాలో హీరోయిన్ ఇంకా ఫైనల్ కాలేదు. మొదట పెద్ద హీరోయిన్ ని అనుకున్నారు. కానీ నిర్మాత అరవింద్ దానికి సుముఖం చూపలేదు. ఇప్పుడు నివేదా పేతురాజ్‌ను ఎంపికచేసుకోవాలని భావిస్తున్నారు. కానీ ఇంకా ఫైనల్ కాలేదు. కథ ప్రకారం హీరోయిన్ లేకుండా తీసే సీన్లు ఎక్కువే వున్నాయి. అందుకే ముందు ఆ సీన్లు అన్నీ తీసేయాలనే షూటింగ్ మొదలు స్టార్ట్ చేశారు. త్వరలోనే హీరోయిన్ పై క్లారిటీ వస్తుంది.

May 9, 2019
Roja APIIC Chairman

పని మొదలు పెట్టిన రోజా !!

నగరి నుంచి రెండవసారి ఎమ్మెల్యే గా గెలిచిన రోజాకి వైసీపీ ప్రభుత్వం లో మంత్రి పదవి ఖాయం అని అందరు అనుకున్నారు. కాని రోజాకి జగన్ మంత్రి పదవి ఇవ్వకుండా ” ఏపీఐఐసీ చైర్మన్ పదవి ఇచ్చారు. ఏపీఐఐసీ చైర్మన్‌గా ఈరోజు ఆర్కే రోజా అధికారికంగా బాధ్యతలు స్వీకరించారు. ఈ సందర్భంగా ముఖ్యమంత్రి వైఎస్‌ జగన్‌మోహన్‌రెడ్డికి రోజా కృతజ్ఞతలు తెలిపారు. బాధ్యతలు చేపట్టిన రోజాకి పలువురు అభినందలు తెలిపారు.రోజా ఈపదవి లో రెండు సంవత్సరాలు కొనసాగుతారు. ఈ సందర్భంగా రోజా మాట్లాడుతూ పారిశ్రామిక అభివృద్ధికి నా వంతు కృషి చేస్తాను అంతే కాదు పెట్టుబడులు పెట్టేవారికి అన్నివిధాలుగా సహాయ సహకారాలు అందిస్తాం అని తెలియచేసింది. కేంద్రం ప్రత్యేక హోదా ఇచ్చి ఉంటే ఆంధ్ర రాష్ట్రం మరింత అభివృద్ధి చెందేది. అన్ని జిల్లాల్లో పారిశ్రామిక రంగం అభివృద్ధికి కృషి చేస్తానని తెలిపింది.

May 9, 2019

మండలిలో మండిపడ్డ లోకేష్ బాబు

నారా లోకేష్ ప్రత్యేక్ష ఎన్నికల్లో రాకుండానే మంత్రి అయిపోయారు. చంద్రబాబు కుమారుడు కారణంగా రెండేసి మంత్రి పదవులు కట్టబెట్టారు. ఐతే ఈ ఎన్నికల్లో కనీసం ఎమ్మెల్యే గా కూడా గెలవలేకపోయిన లోకేష్ .. ట్విట్టర్ కి పరిమితమైపోయారు కొన్నాళ్ళుగా. ఐతే ఇప్పుడు ఎమ్మెల్సీ గా శాసనమండలిలో తన స్వరం వినిపించాడు లోకేష్. రాష్ట్ర బడ్జెట్‌పై చర్చలో భాగంగా శాసనమండలిలో మాట్లాడాడు లోకేష్. రాష్ట్ర ఆర్థిక పరిస్థితి, అప్పుల విషయంలో ఆర్థిక మంత్రి బుగ్గన రాజేంద్రనాథ్‌ రెడ్డి శ్వేతపత్రంలో ఒకలా, బడ్జెట్‌లో మరొకలా చెప్పారని.. రాష్ట్ర ప్రజలు దేన్ని నమ్మాలని ప్రశ్నించారు. వైకాపా నుంచి 22 మంది ఎంపీలను ప్రజలు గెలిపిస్తే రాష్ట్రానికి ప్రత్యేక హోదా తెచ్చారా? అని నిలదీశారు. కేజీ నుంచి పీజీ వరకు ఉచిత విద్యానందిస్తామని జగన్ పాదయాత్రలో చెప్పారని.. ఆ హామీ ఏమైందని ప్రశ్నించాడు లోకేష్.

May 9, 2019

‘బిజెపిని గుడ్డలూడదీసి కొడతారు’

బిజెపి ఆంధ్రప్రదేశ్ లో ఓవర్ యాక్షన్ చేస్తుందని అభిప్రాయపడుతున్నారు నెటిజన్స్. కేంద్రంలో అధికారం అడ్డుపెట్టుకొని ఏపీలో పార్టీని విస్తారించాలని భావిస్తోంది బిజెపి. తప్పు లేదు. కానీ ఈ క్రమంలో బిజెపి ప్రవర్తిస్తున్న తీరు అంత బాలేదు. వివిధ పార్టీలలోని నేతలని కొనుక్కొని పార్టీలో నింపుకుంటుంది బిజెపి. పార్టీలో చేరిన నేతలు కేంద్రంలో మోడీని చూసుకొని ఏపీలో జెండా పాతుతామని బిల్డప్ కొడుతున్నారు. ‘ఇక మనదే రాజ్యం’ అంటున్నారు. సుజానా చౌదరి లాంటి నాయకులైతే పార్టీలో చేరి రెండు వారాలు కాలేదు కానీ ”ఏపీలో బిజెపినే సరైన ప్రత్యన్యాయమని’ డాంబికాలుపోతున్నారు. బిజెపి అవలంభిస్తున్న ఈ ధోరణి సోషల్ మీడియాలో చర్చనీయాంశమైయింది. కేవలం జంపింగ్ జాక్స్ చేరినంత మాత్రాన పార్టీ గెలిచేస్తుందని బీజేపీ భావించడం సరైన పద్దతి కాదని కొందరు కామెంట్స్ చేస్తున్నారు. మరికొందరైతే.. ఏపీకి బిజెపి ఏం చేసిందని ఓట్లు అడగటానికి వస్తారని అంటున్నారు. ఇంకొందరు చాలా తీవ్రంగా స్పందిస్తున్నారు. ‘ఏపీ ప్రజల

May 9, 2019
Kumaraswamy

గురువారం కుమారస్వామికి బలపరీక్ష ..టెన్షన్ టెన్షన్

కర్ణాటక లో రాజకీయం రసవత్తరంగా ఉంది, ఎట్టకేలకు స్పీకర్ రమేశ్ కుమార్‌ బలపరీక్షకు అధికారపక్షానికి గురువారం వరకు గడువు ఇచ్చారు. కుమారస్వామి బలపరీక్ష కు సిద్ధమని ఆల్రెడీ ప్రకటించాడు. బీజేపీ మాత్రం బలపరీక్ష ఈరోజే పెట్టమని విధానసభలో ప్లకార్డులతో డిమాండ్‌ చేశారు. కాంగ్రెస్‌ సీనియర్‌ నేత సిద్ధ రామయ్య కూడా బలపరీక్ష కు తమ ప్రభుత్వం సిద్ధం అని చెప్పారు. జేడీఎస్‌-కాంగ్రెస్‌ ఎమ్మెల్యేల రాజీనామాలతో కర్ణాటకలో రాజకీయం సంక్షోభం లో పడింది. కర్ణాటకలో మొత్తం 224 మంది ఎమ్మెల్యేలున్నారు. వీరిలో 16 మంది రాజీనామాలు చేశారు. ఎమ్మెల్యేల రాజీనామాలపై రేపు సుప్రీం కోర్టు తీర్పును వెల్లడించనుంది. ఒకవేళ రాజీనామా లు కనుక ఆమెదించాలని తీర్పు వస్తే అప్పుడు మొత్తం సంఖ్యాబలం 208 కి వస్తుంది. 105 మంది కనుక మద్దతు ఉంటే కుమారస్వామి ప్రభుత్వం నిలుస్తుంది లేకపోతే పడిపోవటం ఖాయం. బీజేపీ సంఖ్యాబలం స్వత్రంత్ర అభ్యర్థులతో కలిసి 107 ఉంది. చూడాలి

May 9, 2019

ఆటో అంబులెన్స్ నడుపుతున్న 76 ఏళ్ళ పెద్దాయన

భారతదేశంలో రోడ్డు ప్రమాదాల్లో ప్రతి సంవత్సరం 1.5 లక్షలకు పైగా ప్రజలు చనిపోతున్నారు. 76 ఏళ్ల హర్జిందర్ సింగ్ అనే మాజీ ట్రాఫిక్ వార్డెన్, రాజధాని నగరం ఢిల్లీలో ఓక ‘ఆటో అంబులెన్స్’ నడుపుతున్నాడు. ట్రాఫిక్ వార్డెన్‌గా పనిచేస్తున్నప్పుడు చాలా మంది ఆక్సిడెంట్ కు గురవ్వటం చూసాను. ఒక ఆటో కొని అంబులెన్సు లాగ తిప్పితే ప్రమాదాల బారిన పడే వారిని రక్షించగలం అని భావించాను అని చెప్తున్నాడు హర్జిందర్ సింగ్. 76 సంవత్సరాల వయస్సులో, సింగ్ రోజు ఉదయం 8 గంటలకు తన పనిని మొదలుపెడతాడు, తన కుటుంబ అవసరాలను తీర్చడానికి మరియు ప్రమాదాలకు గురైన వారికి మందులు మరియు అతని ఆటోకు ఇంధనం కొనడానికి ఈ వయసులో కూడా అదనంగా పని చేస్తున్నాడు. అంతేకాకుండా, సింగ్ తన రోగులను ఎప్పుడూ డబ్బు అడగడు .తన ఆటో వెనుక సీటు వద్ద విరాళం పెట్టెను ఒకటి పెట్టాడు, అందులో ఎవరికైనా

May 9, 2019

బాటిల్‌ క్యాప్‌ ఛాలెంజ్‌ కు అదిరిపోయే పంచ్ ఇచ్చిన సల్మాన్

బాటిల్‌ క్యాప్‌ ఛాలెంజ్‌ … ఓ టేబుల్‌పై బాటిల్‌ పెట్టాలి. దాని మూతను బాటిల్‌కు పూర్తిగా తిప్పి పెట్టకూడదు. కొద్దిదూరంలో నిలబడి కాలితో బాటిల్‌ క్యాప్‌ను తన్నాలి. అయితే ఈ ప్రక్రియలో ఆ బాటిల్‌ కిందపడకూడదు” ఇప్పుడు ఈ ఛాలెంజ్ వెర్రిగా చేస్తున్నారు జనాలు. బాలీవుడ్ హీరో అక్షయ్ కుమార్ కూడా ఈ విన్యాసం చేశాడు. అయితే బాలీవుడ్‌ సూపర్‌స్టార్‌ సల్మాన్‌ ఖాన్‌ మాత్రం బాటిల్‌ క్యాప్‌ ఛాలెంజ్‌ కి ఒక పంచ్ ఇచ్చాడు. బాటిల్‌ క్యాప్‌ను నోటితో ఊది నీళ్లు తాగుతూ… ‘బాటిల్‌ను తన్నకండి.. నీటిని కాపాడండి’ అని ఓ మెసేజ్ ఇచ్చాడు. దీంతో బాటిల్‌ క్యాప్‌ ఛాలెంజ్‌ వెర్రితో కొట్టుకుంటున్నావారందరికి పంచ్ ఇచ్చినట్లయింది. Don’t thakao paani bachao pic.twitter.com/PjfdGxdTJg — Salman Khan (@BeingSalmanKhan) July 14, 2019

May 9, 2019

రివ్యూ: మహర్షి

సినిమా టైటిల్: మహర్షి
తారాగణం: మహేశ్‌బాబు, అల్లరి నరేష్‌, జగపతిబాబు, పూజా హెగ్డే, ప్రకాశ్‌ రాజ్‌ ,జయసుధ, రావు రమేశ్‌, వెన్నెల కిషోర్‌ తదితరులు
సంగీతం: దేవి శ్రీ ప్రసాద్‌
సినిమాటోగ్రఫీ: కె.యు. మోహనన్‌
నిర్మాత: దిల్‌ రాజు, సి. అశ్వినీదత్‌, ప్రసాద్‌ వి. పొట్లూరి
దర్శకత్వం: వంశీ పైడిపల్లి

సందేశాత్మక సినిమా తీసి హిట్టు కొట్టడం అంత తేలిక కాదు. చిన్న తేడా కొడితే ”ఆపండ్రా బాబు మీ సుత్తి’ అని గడ్డి పరకలా తీసి పారేస్తాడు ప్రేక్షకుడు. కానీ అదే సందేశాత్మక సినిమా హిట్ అయితే మాత్రం దాని రేంజ్ మరో లెవల్ లో వుంటుంది. సూపర్ స్టార్ మహేష్ బాబుకు మెసేజ్ ఓరియంటడ్ సినిమాలు మంచి ఫలితాల్ని ఇచ్చాయి. శ్రీమంతుడు, భరత్ అనే నేను సినిమాలు మహేష్ కెరీర్లో హిట్లుగా నిలిచాయి. ఇప్పుడు మరోసారి అలాంటి జోనర్ ఎంచుకున్నారు అదే మహర్షి . భారీ అంచనాల మధ్య ఈ రోజు సినిమా ప్రేక్షకుల ముందుకు వచ్చిందీ సినిమా. మరీ సినిమా మహేష్ కి ఎలాంటి సక్సెస్ ని ఇచ్చింది? ప్రేక్షకులను మహర్షి అలరించాడా? ఇంతకీ మహర్షి కధేంటి ? తెలియాలంటే రివ్యూలోకి వెళ్ళాల్సిందే.

కధ:  రిషి ( మహేష్ బాబు) చురుకైన యువకుడు. గొప్ప లక్ష్యాలతో జీవితం ప్లాన్ చేసుకుంటాడు. కాలేజీలో వుండగానే అమెరికాకు చెందిన ఓ కంపెనీలో ఉద్యోగం వస్తుంది. ఉద్యోగం కోసం అమెరికా వెళ్తాడు. అతి తక్కువ కాలంలోనే ఆ  కంపెనీకి సిఈవో అయిపోతాడు. అంతా సజావుగా గడుస్తున్న సమయంలో తన స్నేహితుడు రవి (అల్లరి నరేష్ ) కష్టాల్లో ఉన్నాడని రిషికి తెలుస్తుంది. కెరీర్ డబ్బు సక్సెస్ మాత్రమే పరమావధిగా బ్రతికే రిషికి.. తన కెరీర్ వెనుక రవి త్యాగం వుందని తెలుస్తుంది. అప్పుడు రిషి ఏం చేశాడు ? స్నేహితుడి కోసం వూరు వచ్చిన రిషికి ఎదురైన పరిస్థితులు ఏంటి ? రిషి జర్నీ ఎలా సాగింది ? మిగతాది వెండితెరపై చూడాలి. 

ఎలావుంది ? మహేష్ బాబు కి 25వ సినిమా ఇది. మహేష్ బాబు అభిమానులు ఏం కోరుకుంటారో అన్నీ అంశాలు ఇందులో చక్కగా అమర్చాడు దర్శకుడు వంశీ పైడిపల్లి. కంపనీ సిఈవోగా మహేష్ బాబు బిల్డప్ సీన్స్ కి ఫ్యాన్స్ మతి పోతుంది. అంత లావిష్ గా వుంది మహేష్ బాబు సిఈవో వెర్షన్. ఇక స్టూడెంట్ గా మాస్ ఎలిమెంట్స్ ని చాలా క్లాస్ గా మార్చేశాడు దర్శకుడు. మూడో పాత్ర రైతులకు అండగా నిలబడే పాత్ర. ఇది శ్రీమంతుడు, భరత్ అనే నేను మీటర్ లో సాగుతుంది. ఇలా మహేష్ ని మూడు రకాల వేరియేషన్స్ లో చూపించి ముందుగా మహేష్ బాబు అభిమానుల దగ్గర మార్కులు కొట్టేశాడు దర్శకుడు వంశీ. 

సినిమా సాగిన విధానం గురించి చెప్పుకుంటే మొదటి సగం సూపర్ ఫాస్ట్ గా వెళ్ళిపోతుంది. స్టూడెంట్ గా అటు సిఈవో గా రెండు పాత్రలు మొదటి సగంలో అలరిస్తాయి. కాలేజీ సీన్స్ కొన్ని అలరిస్తాయి. మహేష్ బాబు పాత్ర చాలా హుషారుగా వుంటుంది. సినిమాకి కీలకమైన అల్లరి నరేష్ పాత్ర చుట్టూ కొన్ని సీన్స్ వుంటాయి. అయితే మహేష్, అల్లరి నరేష్ పాత్రల మధ్య ఇంకాస్త ద్రుష్టి పెట్టాల్సింది. వాళ్ళ ఫ్రెండ్షిప్ ని ఎలివేట్ చేసే సీన్స్ వుంటే బావుండేది. ఎందుకంటే ద్వితీయార్ధంలో ఆల్లరి నరేష్ పాత్ర కోసం, అతడి స్నేహం కోసం ఓ లక్ష్యం పెట్టుకుంటాడు మహర్షి. ఆలాంటి నేపధ్యం ఉన్నప్పుడు ఆ ఫ్రెండ్ షిప్ ని ఎదో సాదాసీదాగా చూపించారు. ఇది తప్పితే మొదటి సగంలో ఎలాంటి సమస్యలు లేవు. ఇంటర్వెల్ లో వచ్చే సీన్స్ ఎమోషనల్ హై ఇస్తాయి.

సినిమా సెంకండ్ హాఫ్ అంతా రైతు స‌మ‌స్యల‌పై పోరాటం చేసే వ్యక్తిగా మహర్షి ప్రయాణం సాగుతుంది. ఈ క్రమంలో రిషి ల‌క్ష్యం, ఆశ‌య సాధ‌న‌కు ఎంచుకున్న మార్గం… అలోచింప చేస్తాయి. క‌మ‌ర్షియ‌ల్ సినిమాలో ఇలాంటి పాయింట్ చెప్పడానికి దమ్ము కావాలి. అయితే శ్రీమంతుడు, భరత్ అనే నేను సినిమాలు ఇచ్చిన కాన్ఫిడెన్స్ తో ఈ కధని ఎంచుకున్నాడు మహేష్. అయితే ఆ రెండు సినిమాల మ్యాజిక్ ఇందులో మిస్ అయ్యిందనే చెప్పాలి. మొదటి సగం కాలేజీ సీన్స్, సిఈవో పాత్ర చుట్టూ కధని నడిపారు. అయితే రెండో సగంలో ఎంచుకున్న ఫ్లాట్ కేవలం రైతులు చుట్టూ తిరగడంతో అక్కడక్కడ విసుగు తెప్పించేలా వుంటుంది. కొన్ని సీన్స్ చాలా సాగదీత అనిపిస్తాయి. కొన్ని అనవసరం. వాటిని తీసిన సినిమా ఫ్లో కి ఎలాంటి నష్టం వుండదు. కానీ ఎందుకో కత్తెరకి పని చెప్పలేదు. రెండో సగం మొత్తం వూహించినట్లే ఎలాంటి మలుపులు లేకుండా నిదానంగా వుంటుంది. ఐతే చివరి ఇరవై నిముషాలు మళ్ళీ సినిమాలో జోష్ వస్తుంది. కానీ అప్పటికే నిడివి ఎక్కువైపొయిందనే ఫీలింగ్ మాత్రం ప్రేక్షుకుడిలో కలుగుతుంది

ఎవరెలా చేశారు: మహేష్ బాబు సినిమా ఇది. ప్రతి ఫ్రేములో ఆయనే వున్నాడు. స్టూడెంట్ పాత్రలో కొత్త మహేష్ కనిపిస్తాడు. ఇక మిగిలిన రెండు పాత్రలు సెటిల్ గా చేశాడు. రెండో సగంలో శ్రీమంతుడు , భరత్ అనే నేను ఛాయలు కనిపిస్తాయి మహేష్ నటనలో. బహుశా అది స్క్రిప్ట్ లోపం కావచ్చు. అన్నట్టు మహేష్ అందం ఈ సినిమాలో ఇంకా పెరిగింది. పాటల్లో హుషారుగా కదిలాడు. సూపర్ స్టార్ ఫ్యాన్స్ కు పండగ. యాక్షన్ ఎపోసిడ్ బావున్నాయి. మహేష్ చేసే ఫైట్స్ ప్రేక్షకులని అలరించాయి. హీరోయిన్ పూజాకి ప్రాధాన్యం వుండే పాత్ర దక్కింది. కానీ ఎందుకో దర్శకుడు ఆమె పాత్రని తగ్గించాడనే భావన కలుగుతుంది. రిషి పాత్రతో పూజా పాత్ర కూడా ట్రావెల్ చేయొచ్చు. కానీ లవ్ ట్రాక్,.. పాటలకి మాత్రమే పూజాని వాడుకున్నాడనిపిస్తుంది. అయితే ఉన్నంతలో పూజ చక్కగా చేసింది. ఆమె గ్లామర్ ఆకట్టుకుటుంది.

ఈ సినిమాలో మహేష్ బాబు తర్వాత చెప్పుకునే పాత్ర అల్లరి నరేష్. నరేష్ మంచి నటుడు. గమ్యం సినిమాలో గాలి శీనుగా నరేష్ నటన గుర్తిండిపోయింది. ఇప్పుడు మహర్షిలో అలా గుర్తిండిపోయే పాత్ర పడింది. ఈ పాత్రలో నరేష్ ఒదిగిపోయిన తీరు అద్భుతం. జగపతి బాబు స్టైలిష్ విలన్ గా కనిపించాడు. ప్రకాశ్‌ రాజ్‌, జయసుధ, రావు రమేశ్‌, వెన్నెల కిషోర్‌ పాత్రలు పరిదిమేరకు వున్నాయి. 

టెక్నికల్ గా : ముగ్గురు నిర్మాతలు కలసి నిర్మించిన సినిమా ఇది. మహేష్ బాబుకి 25వ సినిమా. దానికి తగ్గట్టే ఎక్కడా రాజీపడలేదు.దేవిశ్రీ ప్రసాద్ మ్యూజిక్ ఆల్బం గా ఆకట్టుకోలేకపోయిన థియేటర్ లో పాటలు చూడ్డానికి బావున్నాయి. రీరికార్డింగ్ బావుంది. కెమరా పనితనం కూడా చక్కగా కుదిరింది. నిర్మాణ విలువలు ఉన్నతంగా వున్నాయి.

చివరిగా.. మెసేజ్ ఓరియంటెడ్ జోనర్ లో రెండు హిట్లు కొట్టేశాడు మహేష్ బాబు. మహర్షి మూడో హిట్ అనుకున్నాడు. అయితే మహర్షి ప్రయాణం మరీ సాగదీతగా అనిపించింది. ఈ ప్రయాణంను ఎలాంటి తీరాలకు చేరుతుందో అంతిమ తీర్పు ప్రేక్షుకుల చేతిలో వుంది. 


ఫైనల్ పంచ్ : మహర్షి.. సాగదీసిన సక్సెస్ జర్నీ

About The Author

Reply