విండీస్ తో తలపడే మన జట్టు ఇదే

ఆగస్ట్ లో ప్రారంభంకానున్న వెస్టిండీస్‌ టూర్‌కు టీమిండియా జట్లను బీసీసీఐ సెలక్షన్‌ కమిటీ ఆ ప్రకటించింది మూడు ఫార్మాట్లకు విరాట్‌ కోహ్లీనే కెప్టెన్‌గా వ్యవహరించనున్నాడు. తొలుత కోహ్లీ ఈ పర్యటనకు దూరంగా ఉంటాడని వార్తలొచ్చినా అందులో నిజం లేదని తేలింది. ఇక వికెట్‌కీపర్‌ మహేంద్రసింగ్‌ ధోనీ రెండు నెలలు విశ్రాంతి తీసుకున్న నేపథ్యంలో రిషభ్‌ పంత్‌కు అవకాశం దక్కింది. గస్టు 3వ తేదీ నుంచి మూడు టీ20లు, మూడు వన్డేలతో పాటు రెండు టెస్టులను టీమిండియా ఆడనుంది. మూడు ఫార్మాట్ల టీమిండియా జట్లు: టెస్టు జట్టు: విరాట్‌కోహ్లీ(కెప్టెన్‌), అజింక్యా రహానే(వైస్‌కెప్టెన్‌), మయాంక్‌ అగర్వాల్‌, కేఎల్‌ రాహుల్‌, ఛటేశ్వర్‌ పుజారా, హనుమ విహారి, రోహిత్‌శర్మ, రిషభ్‌పంత్‌(వికెట్‌కీపర్‌), వృద్ధిమాన్‌ సాహా(వికెట్‌కీపర్‌), రవిచంద్రన్‌ అశ్విన్‌, రవీంద్ర జడేజా, కుల్‌దీప్‌ యాదవ్‌, ఇషాంత్‌శర్మ, మహ్మద్‌ షమి, జస్ప్రిత్‌ బుమ్రా, ఉమేశ్‌ యాదవ్‌ వన్డే జట్టు: విరాట్‌కోహ్లీ(కెప్టెన్‌), రోహిత్‌శర్మ(వైస్‌కెప్టెన్‌), శిఖర్‌ధావన్‌, కేఎల్‌ రాహుల్‌, శ్రేయస్‌ అయ్యర్‌, మనీశ్‌పాండే, రిషభ్‌పంత్‌(వికెట్‌కీపర్‌),

May 9, 2019

స్వీటీ తర్వాత సమంతనే !

సమంత సోలోగా సత్తా చాటింది. ఆమె టైటిల్‌ రోల్‌ పోషించిన సినిమా ‘ఓ బేబీ’ బాక్సాఫీసు వద్ద ఆదరగొట్టింది. జులై 5న విడుదలై ఈ సినిమా విమర్శకులు, ప్రముఖుల ప్రశంసలు అందుకున్న సంగతి తెలిసిందే. ఇపుడు ఈ సినిమా బాక్సాఫీసు వద్ద కూడా విశేషమైన వసూళ్లు రాబడుతోంది. ముఖ్యంగా అమెరికాలో మిలియన్‌ డాలర్లు రాబట్టింది. ఈ చిత్రం అమెరికాలో వన్‌ మిలియన్‌ డాలర్ల మార్కును దాటినట్లు చిత్ర నిర్మాణ సంస్థ సురేశ్‌ ప్రొడక్షన్స్‌ వెల్లడించింది. కాగ ఈ చిత్రం ప్రపంచ వ్యాప్తంగా రూ.35 కోట్లకుపైగా రాబట్టింది. సోలోగా సమంత ఈ రేంజ్ వసూళు చేయడం ఇదే మొదటిసారి. బేసిగ్గా సోలో హీరోయిన్ అంటే అనుష్క ముందు వరుసలో వుంటుంది. ఆమె సినిమా హిట్ అయితే యాబైకోట్లు ఈజీగా వస్తాయి. ఇప్పుడ్డు సమంత కూడా అదే రేంజ్ లో దూసుకుపోతుంది.

May 9, 2019

సంపూని హర్ట్ చేసిన కార్తికేయ

హీరో కార్తికేయపై అసహనం వ్యక్తం చేశారు ‘కొబ్బరిమట్ట’ టీం. వివరాల్లోకి వెళితే.. కార్తికేయ నటించిన ‘హిప్పీ’ చిత్రంలో వాడారు కొబ్బరిమట్ట సినిమా గురించి ఓ సీన్ వుంది. ఈ సన్నివేశాన్ని కొబ్బరిమట్ట నిర్మాత రాజేశ్‌ ట్విటర్‌లో పోస్ట్‌ చేస్తూ.. ‘హాయ్‌ కార్తికేయ. మీరు నటించిన ‘హిప్పీ’ సినిమాలో ‘కొబ్బరిమట్ట’ చిత్రాన్ని, సంపూర్ణేశ్‌బాబుని, నన్ను టార్గెట్‌ చేసిన సన్నివేశాన్ని చూశాను. ఇందుకు నేను ‘హిప్పీ’ సినిమాను తీసిన దర్శకుడిని తప్పుబట్టను. కానీ ఈ సన్నివేశాన్ని రాసిన రచయితకు, నటించిన మీకు తెలియాల్సింది ఏంటంటే.. ఇండస్ట్రీలో ఉన్నారు కాబట్టి సినిమాను, సహ నటులను గౌరవించండి’ అని ట్వీట్ చేశారు. దీనిపై సంపూర్ణేశ్‌బాబు కూడా ట్వీట్ చేశాడు. ‘కార్తికేయ.. నా మీద వేసిన జోక్‌కి ఫర్వాలేదు. తిట్లు నాకు కొత్త కాదు. కానీ విడుదలవ్వని సినిమా గురించి తప్పుగా మాట్లాడటం న్యాయం కాదు. మేం ప్రేమించి, ఎన్నో కష్టాలు పడి తీసిన సినిమా ‘కొబ్బరిమట్ట’. ఇలా

May 9, 2019
minister anil kumar yadav comments on tdp party

కొత్త రికార్డ్ అంటున్న జగన్

ఆంధ్రప్రదేశ్ సీఎం వైఎస్ జగన్ తెలుగు రాష్ట్రాల చరిత్రలో 1,33,494 ఉద్యోగాల కల్పన ఓ రికార్డు అని అంటున్నారు ఏపీ ముఖ్యమంత్రి జగన్‌ మోహన్‌ రెడ్డి. పరిపాలనలో విప్లవాత్మక మార్పులు తెస్తున్నామని, గ్రామసచివాలయాలు, వాలంటీర్ల వ్యవస్థను తీసుకొస్తున్నామని ప్రజల ఆశీర్వాద బలం వల్లే ఇదంతా సాధ్యమవుతోందని లేటెస్ట్ గా ఓ ట్వీట్ చేశారు జగన్. గ్రామ వాలంటీర్ వ్యవస్థ పై బోలెడు సందేహాలు అనుమానాలు వున్న సంగతి తెలిసిందే. టీడీపీ జన్మభూమి కమిటీల్లాగానే వాలంటీర్ల నియామకం కూడా ఉందని, వైసీపీ ప్రభుత్వం చేపట్టిన వాలంటీర్ల వ్యవస్థ వలన చిక్కులు తప్పని పలువురు వ్యాఖ్యానిస్తున్నారు. కేవలం వైసిపీ కార్యకర్తలకే ఈ ఉద్యోగాలని ఇప్పటికే ఆరోపణలు వచ్చాయి. కానీ జగన్ మాత్రం వీటినే ఉద్యోగాలుగా చెబుతున్నారు. ఐతే దీనిపై ఇంకా సరైన దిశా నిర్దేశాలు లేవని మాత్రం చెప్పాలి.

May 9, 2019

స్మితని బాగానే గుర్తుపెట్టుకున్న బాబు

సింగర్ స్మిత.. ‘మసక మసక చీకట్లో’ అంటూ సంచలనం సృష్టించిన తెలుగు పాప్ సింగర్. తర్వాత నటిగా కూడా మారింది. ఇప్పుడు ఆమె ఇండస్ట్రీకి వచ్చి ఇరవై ఏళ్ళు అవుతుంది. ఈ సందర్భంగా మాజీ సిఎం చంద్రబాబు ఆమెకు విషెష్ చెప్పడం ఆసక్తికరంగా వుంది. ఈ విషయాన్ని ఆమెనే చెప్పింది. తను గాయనిగా 20 ఏళ్లు పూర్తి చేసుకున్నందుకు అభినందిస్తూ చంద్రబాబు పంపిన లేఖను షేర్‌ చేసింది. ‘ఇది నిజంగా నాకు సర్‌ప్రైజ్‌. ధన్యవాదాలు చంద్రబాబు గారు’ అని ఆనందం వ్యక్తం చేసింది. ”ఒక్క తెలుగులోనే కాకుండా సంగీతానికి ఎల్లలు లేవరని తెలుపుతూ 9 భాషల్లో పాటలు పాడిన ఘనత సాధించడం ప్రశంసనీయం. భవిష్యత్తులోనూ స్మిత తన మధుర కంఠంతో ఇలానే అలరిస్తూ ఉండాలని ఆశిస్తున్నాను’ అని చంద్రబాబు ఈ లేఖలో రాసుకొచ్చారు. స్మిత తెలుగుదేశం పార్టీ అభిమాని. అందుకే గుర్తుపెట్టుకొని మరీ ఆమెను అభినందించినట్లున్నారు చంద్రబాబు.

May 9, 2019
Manjunath Naidu Died

స్టేజి మీదే కుప్పకూలి మృతి చెందిన కమెడియన్

36 సంవత్సరాల వయసుగల కమెడియన్ మంజునాథ్ నాయుడు దుబాయ్‌లోని ఓ హోటల్‌లో పర్ఫామెన్స్‌ ఇస్తుండగా స్టేజి మీదే కుప్పకూలి మృతి చెందాడు. నటుడిగా, స్టాండప్ కమెడియన్‌గా మంచి గుర్తింపు తెచ్చుకుంటున్న మంజునాథ్ ఒక్కసారిగా వేదిక మీద గుండెపోటు తో పడిపోయాడు. చూస్తున్న జనాలు అది స్కిట్ లో భాగంగా ఆలా చేసాడని అనుకున్నారు. కొంతసేపు తరువాత తెలుసుకొని హాస్పిటల్ కి తీసుకెళితే మృతి చెందినట్లు తెలిపారు డాక్టర్లు. చెన్నైకి చెందిన మంజునాథ్ నాయుడు కొంత కాలంగా దుబాయ్ లో ఉంటున్నాడు. మంచి నటుడిగా ఇప్పుడిప్పుడే ఎదుగుతున్న సమయంలో ఇలా జరగటం దురదృష్టకరం. శుక్రవారం రాత్రి 11 గంటల సమయం లో ఇది జరిగిందని తెలుస్తుంది.

May 9, 2019

ఇస్మార్ట్ … కేటీఆర్ !

ఇప్పుడు ఫేస్‌ యాప్ హవా నడుస్తోంది. జనం తాము ముసలివాళ్లైపోతే ఎలా ఉంటారో, చిన్నప్పుడు ఎలా వుంటారో, మీసాలు గెడ్డాలు , హెయిర్ స్టయిల్.. ఇలా ఏదైనా ఈ యాప్ ద్వారా చూసుకుంటున్నారు. సోషల్ మీడియాలో ఫేస్‌ యాప్ ఫొటోలు వెల్లువెత్తుతున్నాయి. తాజాగా టీఆర్‌ఎస్‌ కార్యనిర్వాహక అధ్యక్షుడు కేటీఆర్‌ ముఖం కూడా ఈ యాప్ ద్వారా వచ్చింది. ఎప్పుడూ మీసం, గడ్డం లేకుండా దర్శనమిచ్చే కేటీఆర్‌ ముఖానికి ఆ రెండింటిని జోడిస్తే ఎలావుంటుంది?… ఓ అభిమాని అదే పని చేశాడు. ఓ సమావేశంలో మాట్లాడుతున్న కేటీఆర్‌ ఫొటోకు ఫేస్‌ యాప్‌ ద్వారా మీసం, గడ్డం పెట్టి ఆయనకే ట్వీట్‌ చేశాడు. ‘అన్నా…గడ్డం, మీసంతో మీరు మరింత అందంగా ఉన్నారు’ అంటూ ట్వీట్‌ చేశాడు. ‘ నాట్‌బ్యాడ్‌. ఇలా కూడా బాగానే ఉన్నానే’ అంటూ అటు కేటీఆర్ రీట్వీట్ చేశారు.

May 9, 2019

అనుష్క ‘నిశ్శబ్దం’ ఎలా వుందో చూశారా ?

అనుష్క, మాధవన్‌ ప్రధాన పాత్రల్లో తెలుగు, తమిళ, హిందీ భాషల్లో ఓ చిత్రం తెరకెక్కుతోంది. హేమంత్‌ మధుకర్‌ దర్శకత్వం వహిస్తున్న చిత్రమిది . హిందీ, తమిళంలో ‘సైలెన్స్‌’ అనే పేరు పెట్టారు. తెలుగులో ‘నిశ్శబ్దం’ అనే పేరు నిర్ణయించారు. స్వీటీ చిత్ర పరిశ్రమకు వచ్చి 14 ఏళ్లు పూర్తయిన సందర్భంగా ఈ సినిమా ఫస్ట్ లుక్ విడుదల చేశారు . ఈ పోస్టర్‌లో అనుష్క చేతులు మాత్రమే చూపించారు. ఓ మోడ్రన్ పెయింటింగ్ ని చేతులపై వుంది. అలాగే ఆమె చేతికి హ్యాండ్ లాకెట్ గా ఒక తాళం చెవి ఉండటం కూడా విశేషంగా వుంది. ఇందులో అనుష్క వినికిడి లోపం వున్న పాత్రలో కనిపిస్తుంది. అంజలి, షాలిని పాండే, సుబ్బరాజు, అవసరాల శ్రీనివాస్‌ కీలక పాత్రలు పోషిస్తున్నారు. పీపుల్‌ మీడియా ఫ్యాక్టరీ సంస్థతో కలిసి కోన ఫిల్మ్‌ కార్పొరేషన్‌ ఈ చిత్రాన్ని నిర్మిస్తోంది.

May 9, 2019

బోనాలు సందడి షురూ

తెలంగాణ అంతా బోనాలు సందడి. నెత్తిమీద వేపమండలతో అలంకరించిన ఘటాలు. ఘటాల్లో అమ్మవారికి సమర్పించే పెరుగన్నాలు. పోతరాజుల వీరంగాలు. జంట నగరాల నుంచి పల్లెల వరకూ ఎక్కడచూసినా సందడే సందడి. పక్రుతికి కొత్తశోభ. ఊర్లకి ఆషాఢం కళ. గోల్కొండ, పాతబస్తీ లాల్ దర్వాజ, సికింద్రాబాద్ మహాకాళి, పోశమ్మ, మైసమ్మ, పెద్దమ్మ..ఇలా అనేక గ్రామదేవతల ఆలయాల్లో ఆడపడుచులు ఆనందంగాచేసుకునే పండుగ బోనాలు. పండగలో భాగంగా సికింద్రాబాద్‌ ఉజ్జయిని మహాకాళి ఆలయం సిద్ధమైంది. ఉత్సవాల్లో తొలిరోజు ఆదివారం ప్రత్యేక కార్యక్రమాలు ప్రారంభమయ్యాయి. మంత్రి తలసాని శ్రీనివాస్‌ యాదవ్‌ కుటుంబ సభ్యులతో కలిసి అమ్మవారికి పట్టు వస్త్రాలు సమర్పించి మొదటి పూజల్లో పాల్గొన్నారు. తెల్లవారుజాము నుంచే భక్తులు అమ్మవారిని దర్శించుకునేందుకు పెద్ద సంఖ్యలో తరలివస్తున్నారు. మంత్రి శ్రీనివాస్‌ గౌడ్‌, కేంద్ర హోంశాఖ సహాయమంత్రి కిషన్‌రెడ్డి, బీజేపీ ఎమ్మెల్సీ రాంచందర్‌రావు అమ్మవారిని దర్శించుకున్నారు. జాతర నేపథ్యంలో రెండువేల మంది సిబ్బందితో పోలీసులు భద్రతా ఏర్పాట్లు చేశారు.

May 9, 2019

కిరణ్ చూపు.. కమలం వైపు

సమైక్య రాష్ట్రానికి చివరి ముఖ్యమంత్రిగా, సమాఖ్య స్టార్ బాట్స్ మెన్ గా పేరు పొందిన కిరణ్ కుమార్ రెడ్డి,.. రాష్ట్ర విభజన తర్వాత మళ్ళీ కనిపించలేదు. అప్పుడప్పుడు ఎదో కార్యక్రమానికి హాజరై అలా మెరుపుతీగ మెరిసి వెళ్ళిపోతుంటారాయన. ఐతే తన భవిష్యత్ కార్యాచరణ ప్రకటించలేదు కిరణ్ కుమార్. ఆయన వైకాపా లో చేరుతారని, టీడీపీ అని , కాంగ్రెస్ లోకే వస్తారాని గతంలో వార్తలు వచ్చాయి. అయితే అవన్నీ రూమర్స్ గానే మిగిలిపోయాయి. ఐతే లేటెస్ట్ న్యూస్ ఏమిటంటే.. కిరణ్ కుమార్ కమలం వైపు చూస్తున్నారు. బీజేపీ కండువా కప్పుకోవడానికి సిద్దమౌతున్నారు. ఏపీ బీజేపీ ఎమ్మెల్సీ మాధవ్ మాట్లాడుతూ.. ఊహించని నేతలు పార్టీలోకి వస్తున్నారని ఈ జాబితాలో మాజీ ముఖ్యమంత్రి కిరణ్ కుమార్ రెడ్డి ఉన్నార‌ని వ్యాఖ్యానించారు. ఆయన తమతో సంప్రదింపులు జరుపుతున్నారని, ఇంకొద్దిరోజుల్లో అనూహ్య పరిణామాలు చోటు చేసుకుంటాయని ఆయన ప్రకటించడం సంచలనంగా వుంది. ఏపీలో బలపడాలని బిజెపి గేట్లు

May 9, 2019

రివ్యూ: మహర్షి

సినిమా టైటిల్: మహర్షి
తారాగణం: మహేశ్‌బాబు, అల్లరి నరేష్‌, జగపతిబాబు, పూజా హెగ్డే, ప్రకాశ్‌ రాజ్‌ ,జయసుధ, రావు రమేశ్‌, వెన్నెల కిషోర్‌ తదితరులు
సంగీతం: దేవి శ్రీ ప్రసాద్‌
సినిమాటోగ్రఫీ: కె.యు. మోహనన్‌
నిర్మాత: దిల్‌ రాజు, సి. అశ్వినీదత్‌, ప్రసాద్‌ వి. పొట్లూరి
దర్శకత్వం: వంశీ పైడిపల్లి

సందేశాత్మక సినిమా తీసి హిట్టు కొట్టడం అంత తేలిక కాదు. చిన్న తేడా కొడితే ”ఆపండ్రా బాబు మీ సుత్తి’ అని గడ్డి పరకలా తీసి పారేస్తాడు ప్రేక్షకుడు. కానీ అదే సందేశాత్మక సినిమా హిట్ అయితే మాత్రం దాని రేంజ్ మరో లెవల్ లో వుంటుంది. సూపర్ స్టార్ మహేష్ బాబుకు మెసేజ్ ఓరియంటడ్ సినిమాలు మంచి ఫలితాల్ని ఇచ్చాయి. శ్రీమంతుడు, భరత్ అనే నేను సినిమాలు మహేష్ కెరీర్లో హిట్లుగా నిలిచాయి. ఇప్పుడు మరోసారి అలాంటి జోనర్ ఎంచుకున్నారు అదే మహర్షి . భారీ అంచనాల మధ్య ఈ రోజు సినిమా ప్రేక్షకుల ముందుకు వచ్చిందీ సినిమా. మరీ సినిమా మహేష్ కి ఎలాంటి సక్సెస్ ని ఇచ్చింది? ప్రేక్షకులను మహర్షి అలరించాడా? ఇంతకీ మహర్షి కధేంటి ? తెలియాలంటే రివ్యూలోకి వెళ్ళాల్సిందే.

కధ:  రిషి ( మహేష్ బాబు) చురుకైన యువకుడు. గొప్ప లక్ష్యాలతో జీవితం ప్లాన్ చేసుకుంటాడు. కాలేజీలో వుండగానే అమెరికాకు చెందిన ఓ కంపెనీలో ఉద్యోగం వస్తుంది. ఉద్యోగం కోసం అమెరికా వెళ్తాడు. అతి తక్కువ కాలంలోనే ఆ  కంపెనీకి సిఈవో అయిపోతాడు. అంతా సజావుగా గడుస్తున్న సమయంలో తన స్నేహితుడు రవి (అల్లరి నరేష్ ) కష్టాల్లో ఉన్నాడని రిషికి తెలుస్తుంది. కెరీర్ డబ్బు సక్సెస్ మాత్రమే పరమావధిగా బ్రతికే రిషికి.. తన కెరీర్ వెనుక రవి త్యాగం వుందని తెలుస్తుంది. అప్పుడు రిషి ఏం చేశాడు ? స్నేహితుడి కోసం వూరు వచ్చిన రిషికి ఎదురైన పరిస్థితులు ఏంటి ? రిషి జర్నీ ఎలా సాగింది ? మిగతాది వెండితెరపై చూడాలి. 

ఎలావుంది ? మహేష్ బాబు కి 25వ సినిమా ఇది. మహేష్ బాబు అభిమానులు ఏం కోరుకుంటారో అన్నీ అంశాలు ఇందులో చక్కగా అమర్చాడు దర్శకుడు వంశీ పైడిపల్లి. కంపనీ సిఈవోగా మహేష్ బాబు బిల్డప్ సీన్స్ కి ఫ్యాన్స్ మతి పోతుంది. అంత లావిష్ గా వుంది మహేష్ బాబు సిఈవో వెర్షన్. ఇక స్టూడెంట్ గా మాస్ ఎలిమెంట్స్ ని చాలా క్లాస్ గా మార్చేశాడు దర్శకుడు. మూడో పాత్ర రైతులకు అండగా నిలబడే పాత్ర. ఇది శ్రీమంతుడు, భరత్ అనే నేను మీటర్ లో సాగుతుంది. ఇలా మహేష్ ని మూడు రకాల వేరియేషన్స్ లో చూపించి ముందుగా మహేష్ బాబు అభిమానుల దగ్గర మార్కులు కొట్టేశాడు దర్శకుడు వంశీ. 

సినిమా సాగిన విధానం గురించి చెప్పుకుంటే మొదటి సగం సూపర్ ఫాస్ట్ గా వెళ్ళిపోతుంది. స్టూడెంట్ గా అటు సిఈవో గా రెండు పాత్రలు మొదటి సగంలో అలరిస్తాయి. కాలేజీ సీన్స్ కొన్ని అలరిస్తాయి. మహేష్ బాబు పాత్ర చాలా హుషారుగా వుంటుంది. సినిమాకి కీలకమైన అల్లరి నరేష్ పాత్ర చుట్టూ కొన్ని సీన్స్ వుంటాయి. అయితే మహేష్, అల్లరి నరేష్ పాత్రల మధ్య ఇంకాస్త ద్రుష్టి పెట్టాల్సింది. వాళ్ళ ఫ్రెండ్షిప్ ని ఎలివేట్ చేసే సీన్స్ వుంటే బావుండేది. ఎందుకంటే ద్వితీయార్ధంలో ఆల్లరి నరేష్ పాత్ర కోసం, అతడి స్నేహం కోసం ఓ లక్ష్యం పెట్టుకుంటాడు మహర్షి. ఆలాంటి నేపధ్యం ఉన్నప్పుడు ఆ ఫ్రెండ్ షిప్ ని ఎదో సాదాసీదాగా చూపించారు. ఇది తప్పితే మొదటి సగంలో ఎలాంటి సమస్యలు లేవు. ఇంటర్వెల్ లో వచ్చే సీన్స్ ఎమోషనల్ హై ఇస్తాయి.

సినిమా సెంకండ్ హాఫ్ అంతా రైతు స‌మ‌స్యల‌పై పోరాటం చేసే వ్యక్తిగా మహర్షి ప్రయాణం సాగుతుంది. ఈ క్రమంలో రిషి ల‌క్ష్యం, ఆశ‌య సాధ‌న‌కు ఎంచుకున్న మార్గం… అలోచింప చేస్తాయి. క‌మ‌ర్షియ‌ల్ సినిమాలో ఇలాంటి పాయింట్ చెప్పడానికి దమ్ము కావాలి. అయితే శ్రీమంతుడు, భరత్ అనే నేను సినిమాలు ఇచ్చిన కాన్ఫిడెన్స్ తో ఈ కధని ఎంచుకున్నాడు మహేష్. అయితే ఆ రెండు సినిమాల మ్యాజిక్ ఇందులో మిస్ అయ్యిందనే చెప్పాలి. మొదటి సగం కాలేజీ సీన్స్, సిఈవో పాత్ర చుట్టూ కధని నడిపారు. అయితే రెండో సగంలో ఎంచుకున్న ఫ్లాట్ కేవలం రైతులు చుట్టూ తిరగడంతో అక్కడక్కడ విసుగు తెప్పించేలా వుంటుంది. కొన్ని సీన్స్ చాలా సాగదీత అనిపిస్తాయి. కొన్ని అనవసరం. వాటిని తీసిన సినిమా ఫ్లో కి ఎలాంటి నష్టం వుండదు. కానీ ఎందుకో కత్తెరకి పని చెప్పలేదు. రెండో సగం మొత్తం వూహించినట్లే ఎలాంటి మలుపులు లేకుండా నిదానంగా వుంటుంది. ఐతే చివరి ఇరవై నిముషాలు మళ్ళీ సినిమాలో జోష్ వస్తుంది. కానీ అప్పటికే నిడివి ఎక్కువైపొయిందనే ఫీలింగ్ మాత్రం ప్రేక్షుకుడిలో కలుగుతుంది

ఎవరెలా చేశారు: మహేష్ బాబు సినిమా ఇది. ప్రతి ఫ్రేములో ఆయనే వున్నాడు. స్టూడెంట్ పాత్రలో కొత్త మహేష్ కనిపిస్తాడు. ఇక మిగిలిన రెండు పాత్రలు సెటిల్ గా చేశాడు. రెండో సగంలో శ్రీమంతుడు , భరత్ అనే నేను ఛాయలు కనిపిస్తాయి మహేష్ నటనలో. బహుశా అది స్క్రిప్ట్ లోపం కావచ్చు. అన్నట్టు మహేష్ అందం ఈ సినిమాలో ఇంకా పెరిగింది. పాటల్లో హుషారుగా కదిలాడు. సూపర్ స్టార్ ఫ్యాన్స్ కు పండగ. యాక్షన్ ఎపోసిడ్ బావున్నాయి. మహేష్ చేసే ఫైట్స్ ప్రేక్షకులని అలరించాయి. హీరోయిన్ పూజాకి ప్రాధాన్యం వుండే పాత్ర దక్కింది. కానీ ఎందుకో దర్శకుడు ఆమె పాత్రని తగ్గించాడనే భావన కలుగుతుంది. రిషి పాత్రతో పూజా పాత్ర కూడా ట్రావెల్ చేయొచ్చు. కానీ లవ్ ట్రాక్,.. పాటలకి మాత్రమే పూజాని వాడుకున్నాడనిపిస్తుంది. అయితే ఉన్నంతలో పూజ చక్కగా చేసింది. ఆమె గ్లామర్ ఆకట్టుకుటుంది.

ఈ సినిమాలో మహేష్ బాబు తర్వాత చెప్పుకునే పాత్ర అల్లరి నరేష్. నరేష్ మంచి నటుడు. గమ్యం సినిమాలో గాలి శీనుగా నరేష్ నటన గుర్తిండిపోయింది. ఇప్పుడు మహర్షిలో అలా గుర్తిండిపోయే పాత్ర పడింది. ఈ పాత్రలో నరేష్ ఒదిగిపోయిన తీరు అద్భుతం. జగపతి బాబు స్టైలిష్ విలన్ గా కనిపించాడు. ప్రకాశ్‌ రాజ్‌, జయసుధ, రావు రమేశ్‌, వెన్నెల కిషోర్‌ పాత్రలు పరిదిమేరకు వున్నాయి. 

టెక్నికల్ గా : ముగ్గురు నిర్మాతలు కలసి నిర్మించిన సినిమా ఇది. మహేష్ బాబుకి 25వ సినిమా. దానికి తగ్గట్టే ఎక్కడా రాజీపడలేదు.దేవిశ్రీ ప్రసాద్ మ్యూజిక్ ఆల్బం గా ఆకట్టుకోలేకపోయిన థియేటర్ లో పాటలు చూడ్డానికి బావున్నాయి. రీరికార్డింగ్ బావుంది. కెమరా పనితనం కూడా చక్కగా కుదిరింది. నిర్మాణ విలువలు ఉన్నతంగా వున్నాయి.

చివరిగా.. మెసేజ్ ఓరియంటెడ్ జోనర్ లో రెండు హిట్లు కొట్టేశాడు మహేష్ బాబు. మహర్షి మూడో హిట్ అనుకున్నాడు. అయితే మహర్షి ప్రయాణం మరీ సాగదీతగా అనిపించింది. ఈ ప్రయాణంను ఎలాంటి తీరాలకు చేరుతుందో అంతిమ తీర్పు ప్రేక్షుకుల చేతిలో వుంది. 


ఫైనల్ పంచ్ : మహర్షి.. సాగదీసిన సక్సెస్ జర్నీ

About The Author

Reply