విండీస్ తో తలపడే మన జట్టు ఇదే

ఆగస్ట్ లో ప్రారంభంకానున్న వెస్టిండీస్‌ టూర్‌కు టీమిండియా జట్లను బీసీసీఐ సెలక్షన్‌ కమిటీ ఆ ప్రకటించింది మూడు ఫార్మాట్లకు విరాట్‌ కోహ్లీనే కెప్టెన్‌గా వ్యవహరించనున్నాడు. తొలుత కోహ్లీ ఈ పర్యటనకు దూరంగా ఉంటాడని వార్తలొచ్చినా అందులో నిజం లేదని తేలింది. ఇక వికెట్‌కీపర్‌ మహేంద్రసింగ్‌ ధోనీ రెండు నెలలు విశ్రాంతి తీసుకున్న నేపథ్యంలో రిషభ్‌ పంత్‌కు అవకాశం దక్కింది. గస్టు 3వ తేదీ నుంచి మూడు టీ20లు, మూడు వన్డేలతో పాటు రెండు టెస్టులను టీమిండియా ఆడనుంది. మూడు ఫార్మాట్ల టీమిండియా జట్లు: టెస్టు జట్టు: విరాట్‌కోహ్లీ(కెప్టెన్‌), అజింక్యా రహానే(వైస్‌కెప్టెన్‌), మయాంక్‌ అగర్వాల్‌, కేఎల్‌ రాహుల్‌, ఛటేశ్వర్‌ పుజారా, హనుమ విహారి, రోహిత్‌శర్మ, రిషభ్‌పంత్‌(వికెట్‌కీపర్‌), వృద్ధిమాన్‌ సాహా(వికెట్‌కీపర్‌), రవిచంద్రన్‌ అశ్విన్‌, రవీంద్ర జడేజా, కుల్‌దీప్‌ యాదవ్‌, ఇషాంత్‌శర్మ, మహ్మద్‌ షమి, జస్ప్రిత్‌ బుమ్రా, ఉమేశ్‌ యాదవ్‌ వన్డే జట్టు: విరాట్‌కోహ్లీ(కెప్టెన్‌), రోహిత్‌శర్మ(వైస్‌కెప్టెన్‌), శిఖర్‌ధావన్‌, కేఎల్‌ రాహుల్‌, శ్రేయస్‌ అయ్యర్‌, మనీశ్‌పాండే, రిషభ్‌పంత్‌(వికెట్‌కీపర్‌),

March 29, 2019

స్వీటీ తర్వాత సమంతనే !

సమంత సోలోగా సత్తా చాటింది. ఆమె టైటిల్‌ రోల్‌ పోషించిన సినిమా ‘ఓ బేబీ’ బాక్సాఫీసు వద్ద ఆదరగొట్టింది. జులై 5న విడుదలై ఈ సినిమా విమర్శకులు, ప్రముఖుల ప్రశంసలు అందుకున్న సంగతి తెలిసిందే. ఇపుడు ఈ సినిమా బాక్సాఫీసు వద్ద కూడా విశేషమైన వసూళ్లు రాబడుతోంది. ముఖ్యంగా అమెరికాలో మిలియన్‌ డాలర్లు రాబట్టింది. ఈ చిత్రం అమెరికాలో వన్‌ మిలియన్‌ డాలర్ల మార్కును దాటినట్లు చిత్ర నిర్మాణ సంస్థ సురేశ్‌ ప్రొడక్షన్స్‌ వెల్లడించింది. కాగ ఈ చిత్రం ప్రపంచ వ్యాప్తంగా రూ.35 కోట్లకుపైగా రాబట్టింది. సోలోగా సమంత ఈ రేంజ్ వసూళు చేయడం ఇదే మొదటిసారి. బేసిగ్గా సోలో హీరోయిన్ అంటే అనుష్క ముందు వరుసలో వుంటుంది. ఆమె సినిమా హిట్ అయితే యాబైకోట్లు ఈజీగా వస్తాయి. ఇప్పుడ్డు సమంత కూడా అదే రేంజ్ లో దూసుకుపోతుంది.

March 29, 2019

సంపూని హర్ట్ చేసిన కార్తికేయ

హీరో కార్తికేయపై అసహనం వ్యక్తం చేశారు ‘కొబ్బరిమట్ట’ టీం. వివరాల్లోకి వెళితే.. కార్తికేయ నటించిన ‘హిప్పీ’ చిత్రంలో వాడారు కొబ్బరిమట్ట సినిమా గురించి ఓ సీన్ వుంది. ఈ సన్నివేశాన్ని కొబ్బరిమట్ట నిర్మాత రాజేశ్‌ ట్విటర్‌లో పోస్ట్‌ చేస్తూ.. ‘హాయ్‌ కార్తికేయ. మీరు నటించిన ‘హిప్పీ’ సినిమాలో ‘కొబ్బరిమట్ట’ చిత్రాన్ని, సంపూర్ణేశ్‌బాబుని, నన్ను టార్గెట్‌ చేసిన సన్నివేశాన్ని చూశాను. ఇందుకు నేను ‘హిప్పీ’ సినిమాను తీసిన దర్శకుడిని తప్పుబట్టను. కానీ ఈ సన్నివేశాన్ని రాసిన రచయితకు, నటించిన మీకు తెలియాల్సింది ఏంటంటే.. ఇండస్ట్రీలో ఉన్నారు కాబట్టి సినిమాను, సహ నటులను గౌరవించండి’ అని ట్వీట్ చేశారు. దీనిపై సంపూర్ణేశ్‌బాబు కూడా ట్వీట్ చేశాడు. ‘కార్తికేయ.. నా మీద వేసిన జోక్‌కి ఫర్వాలేదు. తిట్లు నాకు కొత్త కాదు. కానీ విడుదలవ్వని సినిమా గురించి తప్పుగా మాట్లాడటం న్యాయం కాదు. మేం ప్రేమించి, ఎన్నో కష్టాలు పడి తీసిన సినిమా ‘కొబ్బరిమట్ట’. ఇలా

March 29, 2019
minister anil kumar yadav comments on tdp party

కొత్త రికార్డ్ అంటున్న జగన్

ఆంధ్రప్రదేశ్ సీఎం వైఎస్ జగన్ తెలుగు రాష్ట్రాల చరిత్రలో 1,33,494 ఉద్యోగాల కల్పన ఓ రికార్డు అని అంటున్నారు ఏపీ ముఖ్యమంత్రి జగన్‌ మోహన్‌ రెడ్డి. పరిపాలనలో విప్లవాత్మక మార్పులు తెస్తున్నామని, గ్రామసచివాలయాలు, వాలంటీర్ల వ్యవస్థను తీసుకొస్తున్నామని ప్రజల ఆశీర్వాద బలం వల్లే ఇదంతా సాధ్యమవుతోందని లేటెస్ట్ గా ఓ ట్వీట్ చేశారు జగన్. గ్రామ వాలంటీర్ వ్యవస్థ పై బోలెడు సందేహాలు అనుమానాలు వున్న సంగతి తెలిసిందే. టీడీపీ జన్మభూమి కమిటీల్లాగానే వాలంటీర్ల నియామకం కూడా ఉందని, వైసీపీ ప్రభుత్వం చేపట్టిన వాలంటీర్ల వ్యవస్థ వలన చిక్కులు తప్పని పలువురు వ్యాఖ్యానిస్తున్నారు. కేవలం వైసిపీ కార్యకర్తలకే ఈ ఉద్యోగాలని ఇప్పటికే ఆరోపణలు వచ్చాయి. కానీ జగన్ మాత్రం వీటినే ఉద్యోగాలుగా చెబుతున్నారు. ఐతే దీనిపై ఇంకా సరైన దిశా నిర్దేశాలు లేవని మాత్రం చెప్పాలి.

March 29, 2019

స్మితని బాగానే గుర్తుపెట్టుకున్న బాబు

సింగర్ స్మిత.. ‘మసక మసక చీకట్లో’ అంటూ సంచలనం సృష్టించిన తెలుగు పాప్ సింగర్. తర్వాత నటిగా కూడా మారింది. ఇప్పుడు ఆమె ఇండస్ట్రీకి వచ్చి ఇరవై ఏళ్ళు అవుతుంది. ఈ సందర్భంగా మాజీ సిఎం చంద్రబాబు ఆమెకు విషెష్ చెప్పడం ఆసక్తికరంగా వుంది. ఈ విషయాన్ని ఆమెనే చెప్పింది. తను గాయనిగా 20 ఏళ్లు పూర్తి చేసుకున్నందుకు అభినందిస్తూ చంద్రబాబు పంపిన లేఖను షేర్‌ చేసింది. ‘ఇది నిజంగా నాకు సర్‌ప్రైజ్‌. ధన్యవాదాలు చంద్రబాబు గారు’ అని ఆనందం వ్యక్తం చేసింది. ”ఒక్క తెలుగులోనే కాకుండా సంగీతానికి ఎల్లలు లేవరని తెలుపుతూ 9 భాషల్లో పాటలు పాడిన ఘనత సాధించడం ప్రశంసనీయం. భవిష్యత్తులోనూ స్మిత తన మధుర కంఠంతో ఇలానే అలరిస్తూ ఉండాలని ఆశిస్తున్నాను’ అని చంద్రబాబు ఈ లేఖలో రాసుకొచ్చారు. స్మిత తెలుగుదేశం పార్టీ అభిమాని. అందుకే గుర్తుపెట్టుకొని మరీ ఆమెను అభినందించినట్లున్నారు చంద్రబాబు.

March 29, 2019
Manjunath Naidu Died

స్టేజి మీదే కుప్పకూలి మృతి చెందిన కమెడియన్

36 సంవత్సరాల వయసుగల కమెడియన్ మంజునాథ్ నాయుడు దుబాయ్‌లోని ఓ హోటల్‌లో పర్ఫామెన్స్‌ ఇస్తుండగా స్టేజి మీదే కుప్పకూలి మృతి చెందాడు. నటుడిగా, స్టాండప్ కమెడియన్‌గా మంచి గుర్తింపు తెచ్చుకుంటున్న మంజునాథ్ ఒక్కసారిగా వేదిక మీద గుండెపోటు తో పడిపోయాడు. చూస్తున్న జనాలు అది స్కిట్ లో భాగంగా ఆలా చేసాడని అనుకున్నారు. కొంతసేపు తరువాత తెలుసుకొని హాస్పిటల్ కి తీసుకెళితే మృతి చెందినట్లు తెలిపారు డాక్టర్లు. చెన్నైకి చెందిన మంజునాథ్ నాయుడు కొంత కాలంగా దుబాయ్ లో ఉంటున్నాడు. మంచి నటుడిగా ఇప్పుడిప్పుడే ఎదుగుతున్న సమయంలో ఇలా జరగటం దురదృష్టకరం. శుక్రవారం రాత్రి 11 గంటల సమయం లో ఇది జరిగిందని తెలుస్తుంది.

March 29, 2019

ఇస్మార్ట్ … కేటీఆర్ !

ఇప్పుడు ఫేస్‌ యాప్ హవా నడుస్తోంది. జనం తాము ముసలివాళ్లైపోతే ఎలా ఉంటారో, చిన్నప్పుడు ఎలా వుంటారో, మీసాలు గెడ్డాలు , హెయిర్ స్టయిల్.. ఇలా ఏదైనా ఈ యాప్ ద్వారా చూసుకుంటున్నారు. సోషల్ మీడియాలో ఫేస్‌ యాప్ ఫొటోలు వెల్లువెత్తుతున్నాయి. తాజాగా టీఆర్‌ఎస్‌ కార్యనిర్వాహక అధ్యక్షుడు కేటీఆర్‌ ముఖం కూడా ఈ యాప్ ద్వారా వచ్చింది. ఎప్పుడూ మీసం, గడ్డం లేకుండా దర్శనమిచ్చే కేటీఆర్‌ ముఖానికి ఆ రెండింటిని జోడిస్తే ఎలావుంటుంది?… ఓ అభిమాని అదే పని చేశాడు. ఓ సమావేశంలో మాట్లాడుతున్న కేటీఆర్‌ ఫొటోకు ఫేస్‌ యాప్‌ ద్వారా మీసం, గడ్డం పెట్టి ఆయనకే ట్వీట్‌ చేశాడు. ‘అన్నా…గడ్డం, మీసంతో మీరు మరింత అందంగా ఉన్నారు’ అంటూ ట్వీట్‌ చేశాడు. ‘ నాట్‌బ్యాడ్‌. ఇలా కూడా బాగానే ఉన్నానే’ అంటూ అటు కేటీఆర్ రీట్వీట్ చేశారు.

March 29, 2019

అనుష్క ‘నిశ్శబ్దం’ ఎలా వుందో చూశారా ?

అనుష్క, మాధవన్‌ ప్రధాన పాత్రల్లో తెలుగు, తమిళ, హిందీ భాషల్లో ఓ చిత్రం తెరకెక్కుతోంది. హేమంత్‌ మధుకర్‌ దర్శకత్వం వహిస్తున్న చిత్రమిది . హిందీ, తమిళంలో ‘సైలెన్స్‌’ అనే పేరు పెట్టారు. తెలుగులో ‘నిశ్శబ్దం’ అనే పేరు నిర్ణయించారు. స్వీటీ చిత్ర పరిశ్రమకు వచ్చి 14 ఏళ్లు పూర్తయిన సందర్భంగా ఈ సినిమా ఫస్ట్ లుక్ విడుదల చేశారు . ఈ పోస్టర్‌లో అనుష్క చేతులు మాత్రమే చూపించారు. ఓ మోడ్రన్ పెయింటింగ్ ని చేతులపై వుంది. అలాగే ఆమె చేతికి హ్యాండ్ లాకెట్ గా ఒక తాళం చెవి ఉండటం కూడా విశేషంగా వుంది. ఇందులో అనుష్క వినికిడి లోపం వున్న పాత్రలో కనిపిస్తుంది. అంజలి, షాలిని పాండే, సుబ్బరాజు, అవసరాల శ్రీనివాస్‌ కీలక పాత్రలు పోషిస్తున్నారు. పీపుల్‌ మీడియా ఫ్యాక్టరీ సంస్థతో కలిసి కోన ఫిల్మ్‌ కార్పొరేషన్‌ ఈ చిత్రాన్ని నిర్మిస్తోంది.

March 29, 2019

బోనాలు సందడి షురూ

తెలంగాణ అంతా బోనాలు సందడి. నెత్తిమీద వేపమండలతో అలంకరించిన ఘటాలు. ఘటాల్లో అమ్మవారికి సమర్పించే పెరుగన్నాలు. పోతరాజుల వీరంగాలు. జంట నగరాల నుంచి పల్లెల వరకూ ఎక్కడచూసినా సందడే సందడి. పక్రుతికి కొత్తశోభ. ఊర్లకి ఆషాఢం కళ. గోల్కొండ, పాతబస్తీ లాల్ దర్వాజ, సికింద్రాబాద్ మహాకాళి, పోశమ్మ, మైసమ్మ, పెద్దమ్మ..ఇలా అనేక గ్రామదేవతల ఆలయాల్లో ఆడపడుచులు ఆనందంగాచేసుకునే పండుగ బోనాలు. పండగలో భాగంగా సికింద్రాబాద్‌ ఉజ్జయిని మహాకాళి ఆలయం సిద్ధమైంది. ఉత్సవాల్లో తొలిరోజు ఆదివారం ప్రత్యేక కార్యక్రమాలు ప్రారంభమయ్యాయి. మంత్రి తలసాని శ్రీనివాస్‌ యాదవ్‌ కుటుంబ సభ్యులతో కలిసి అమ్మవారికి పట్టు వస్త్రాలు సమర్పించి మొదటి పూజల్లో పాల్గొన్నారు. తెల్లవారుజాము నుంచే భక్తులు అమ్మవారిని దర్శించుకునేందుకు పెద్ద సంఖ్యలో తరలివస్తున్నారు. మంత్రి శ్రీనివాస్‌ గౌడ్‌, కేంద్ర హోంశాఖ సహాయమంత్రి కిషన్‌రెడ్డి, బీజేపీ ఎమ్మెల్సీ రాంచందర్‌రావు అమ్మవారిని దర్శించుకున్నారు. జాతర నేపథ్యంలో రెండువేల మంది సిబ్బందితో పోలీసులు భద్రతా ఏర్పాట్లు చేశారు.

March 29, 2019

కిరణ్ చూపు.. కమలం వైపు

సమైక్య రాష్ట్రానికి చివరి ముఖ్యమంత్రిగా, సమాఖ్య స్టార్ బాట్స్ మెన్ గా పేరు పొందిన కిరణ్ కుమార్ రెడ్డి,.. రాష్ట్ర విభజన తర్వాత మళ్ళీ కనిపించలేదు. అప్పుడప్పుడు ఎదో కార్యక్రమానికి హాజరై అలా మెరుపుతీగ మెరిసి వెళ్ళిపోతుంటారాయన. ఐతే తన భవిష్యత్ కార్యాచరణ ప్రకటించలేదు కిరణ్ కుమార్. ఆయన వైకాపా లో చేరుతారని, టీడీపీ అని , కాంగ్రెస్ లోకే వస్తారాని గతంలో వార్తలు వచ్చాయి. అయితే అవన్నీ రూమర్స్ గానే మిగిలిపోయాయి. ఐతే లేటెస్ట్ న్యూస్ ఏమిటంటే.. కిరణ్ కుమార్ కమలం వైపు చూస్తున్నారు. బీజేపీ కండువా కప్పుకోవడానికి సిద్దమౌతున్నారు. ఏపీ బీజేపీ ఎమ్మెల్సీ మాధవ్ మాట్లాడుతూ.. ఊహించని నేతలు పార్టీలోకి వస్తున్నారని ఈ జాబితాలో మాజీ ముఖ్యమంత్రి కిరణ్ కుమార్ రెడ్డి ఉన్నార‌ని వ్యాఖ్యానించారు. ఆయన తమతో సంప్రదింపులు జరుపుతున్నారని, ఇంకొద్దిరోజుల్లో అనూహ్య పరిణామాలు చోటు చేసుకుంటాయని ఆయన ప్రకటించడం సంచలనంగా వుంది. ఏపీలో బలపడాలని బిజెపి గేట్లు

March 29, 2019

రివ్యూ: సూర్యకాంతం

సినిమా టైటిల్ : సూర్యకాంతం
నటీనటులు: నిహారిక , రాహుల్‌ విజయ్‌, పెర్లిన్‌ బెసానియా, సుహాసిని తదితరులు
సంగీతం: మార్క్‌ కె రాబిన్‌
నిర్మాతలు: వై. సందీప్‌, వై. సృజన
దర్శకత్వం: ప్రణీత్‌ బ్రహ్మాండపల్లి

మెగా కుటుంబం నుండి వచ్చిన హీరోలంతా నిలబడ్డారు. వారికంటూ ఒక గుర్తింపు తెచ్చుకున్నారు. హిట్లు ఖాతాలో వేసుకున్నారు. కానీ మెగా డాటర్ గా వెండితెరపై అడుగుపెట్టిన నిహారికకు ఇంకా హిట్ పడలేదు. ‘ఒక మనసు’ సినిమాతో ఎంట్రీ ఇచ్చిన నిహారిక తర్వాత ‘హ్యాపీ వెడ్డింగ్’ అనే సినిమా చేసింది. ఈ రెండు సినిమాలు కూడా నిహారికకు కలసి రాలేదు. కనీసం నటిగా కూడా మార్కులు పడలేదు. ఐతే ఎలాగైనా ఓ హిట్ కొట్టాలని మరోసారి ప్రేక్షకుల ముందుకు వచ్చింది ‘సూర్యకాంతం’ సినిమాతో. మరి ఈ సినిమా నిహారిక కోరుకుంటున్న హిట్ ఇచ్చిందా ? అసలీ ‘సూర్యకాంతం’ కథ ఏమిటి? తెలుసుకోవాలంటే రివ్యూలోకి వెళ్ళాలసిందే.

కథ: సూర్యకాంతం (నిహారిక‌) అల్లరి గడుసుదనం మిక్స్ చేసిన అమ్మాయి. ఎవరినీ అంత ఈజీగా నమ్మేకరం కాదు. అలాంటి అమ్మాయి జీవితంలోకి అభి (రాహుల్ విజ‌య్‌) వ‌స్తాడు. సూర్యకాంతం యాటిట్యూడ్ చూసి ప్రేమలో పడతాడు. అభి త‌న మ‌న‌సులో ఉన్న ప్రేమ‌ని బ‌య‌ట పెట్టాల‌నుకునేలోపే సూర్యకాంతం ఇంటి నుంచి మాయ‌మైపోతుంది. ఏడాదిపాటు ఎదురు చూసినా తిరిగి రాదు. దాంతో ఇంట్లో పెద్దలు కుదిర్చిన పూజ (పెర్లిన్‌)తో పెళ్లికి ఒప్పుకొంటాడు అభి. కొన్ని రోజుల్లో నిశ్చితార్థం అన‌గా సూర్యకాంతం మళ్ళీ అభి జీవితంలోకి వస్తుంది. అప్పుడు ఏం జరిగింది? అభి ఎవరితో జీవితం పంచుకున్నాడు ? అసలు సూర్యకాంతం ఏడాది పాటు ఎక్కడికి వెళ్ళింది? ఇలాంటి విషయాలు తెలుసుకోవాలంటే సినిమా చూడాల్సిందే.

ఎలా వుంది? కథ గొప్పగా ఉండాల్సిన అవసరం లేదు. ఐతే వెండితెరకు ఆ పాయింట్ పనికొస్తోందా ? లేదా అనే జడ్జిమెంట్ దర్శకుడి ఉండాలి. తీసుకున్న పాయింట్ ని ఎంత కొత్తగా చూపిస్తున్నామన్నది ఇక్కడ ముఖ్యం. సూర్యకాంతం సినిమా విషయానికి వస్తే… ఇదేం కొత్తకథ కాదు.. కానీ ట్రీట్మెంట్ ని కాస్త కొత్తగా రాసుకున్నాడు దర్శకుడు. ఐతే ఈ కొత్తదనం సినిమా మొత్తం కనిపించలేదు. ప్రేమదేశం సినిమా కథ ఒక్కసారి గుర్తు తెచ్చుకుంటే .. ఇద్దరు అబ్బాయిలు ఒకే అమ్మాయిని ప్రేమిస్తారు. ఆ అమ్మాయి కూడా ఇద్దరి అబ్బాయిలని ఇష్టపడుతుంది. ఎవరినీ వదులుకోవడాని ఇష్టపడదు. సూర్యకాంతం కూడా ఐదే పాయింట్. ఒక అబ్బాయి జీవితంలోకి ఇద్దరు అమ్మాయిలు వస్తారు. ఏ అమ్మాయిని కూడా వదులుకోవాలని ఆ అబ్బాయికి ఉండదు. ఈ పాయింట్ ని ఫ్యామిలితో మిక్స్ చేసి కధనం రాసుకున్నాడు దర్శకుడు.

సినిమా హుషారుగా మొదలౌతుంది. ఐతే తొలిసగంలో ఎక్కువ భాగం పాత్రల పరిచయాలకె తీసుకున్నాడు దర్శకుడు. దింతో పాత్రలు పరిచయం పూర్తవ్వడానికె ఇంటర్వెల్ కార్డు వరకూ తీసుకొచ్చాడు. ఈ తొలిసగంలో నిహారిక చేసిన అల్లరి అక్కడక్క నవ్విస్తుంది. కొన్ని చోట్ల మాత్రం మరీ ఇంత ఓవర్ యాక్షన్ అవసరమా? అనే ఫీలింగ్.

ఐతే ఇంటర్వెల్ బ్యాంగ్ తర్వాత అసలు కథ మొదలౌతుంది. సూర్యకాంతం, అభి, పూజ ల మధ్య జరిగే ట్రైయాంగిల్ లవ్ స్టోరీ, వారి మధ్య సంఘర్షణ ప్రస్తుత యువత ఆలోచనలకు దగ్గరగా వుంటుంది. అయితే క్లైమాక్స్ కి వచ్చేసరికి దర్శకుడి తడబాటు కనిపించింది. సూర్యకాంతం ఇల్లు వదిలి వెళ్లిపోయే సీన్ వెనుక వున్న కథని అంత కన్వెన్సింగ్ గా చూపించలేకపోయాడు దర్శకుడు. అయితే చివర్లో సుహాసిని పాత్రని ఉపయోగించుకున్న విధానం సినిమాకి కొత్తదనం తీసుకొచ్చింది.

ఎవరెలా చేశారు? నిహారికకి ఇది మూడో సినిమా. యాక్టింగ్ లో ఈజ్ కనిపించింది. ఐతే దర్శకుడు సూర్యకాంతం పాత్రని రాసుకున్న విధానం ఏమిటో గానీ కొన్ని చోట్ల నిహారిక చిరాకు తెప్పిస్తుంది. ఒక దశలో ఆమెది నెగిటివ్ పాత్రనా ? అనే ఫీలింగ్ కూడా వస్తుంది. అభి పాత్రతో రాహుల్ నటన బావుంది. సెటిల్ గా చేశాడు. పూజా పాత్ర కూడా బావుంది. ఆ పాత్రలో ఎలాంటి కంప్లైంట్ లేకుండా నటించింది. సత్య ఓ రెండు సన్నివేశాల్లో నవ్విస్తాడు. సుహాసిని పాత్ర కూడా బావుంది. మిగతా నటీనటులు పరిధిమేర నటించారు,

టెక్నీకల్ గా.. ఈ సినిమా ప్రణీత్‌ బ్రహ్మాండపల్లి.. షార్ట్ ఫిలిమ్స్ తో పేరు తెచ్చుకున్నాడు. ఐతే ఈ షార్ట్ ఫిలిం దర్శకులతో ఓ సమస్య వుంది. టేకింగ్ నిదానంగా వుంటుంది. సూర్యకాంతంలో కూడా ఆ సాగదీత కనిపించింది. సన్నివేశాల్లో వేగం పెరిగితే ఫలితం ఇంకొంచెం బేటర్ అనే అభిప్రాయం రాకమానదు. మార్క్‌ కె రాబిన్‌ అందించిన సంగీతం ఓకే. కెమరా పనితనం కూడా బావుంది. నిర్మాణ విలువలకు వంకపెట్టలేం.

చివరిగా.. మూడు పాత్రలు రాసుకొని ఆ ముగ్గురి చుట్టూ కథని నడిపాడు దర్శకుడు. అయితే ఈ నడక కొంత హుషారుగా మరికొంత నీరసంగా ఇంకొంత ఆయాసంగా సాగింది.

ఫైనల్ పంచ్ : సూర్యకాంతం.. జస్ట్ పాస్ !

About The Author

Reply